« Қалдырған ізің мәңгілік ...»

                                     « Қалдырған ізің мәңгілік ...»

           Қараөзек орта мектебінде осындай

тақырыппен  қарашаның 3-і күні ауқымды

іс-шара өтті .Орыс мектебінің құрылғанына 40 

жыл,ал қазақ мектебіне - 20 жыл.

        Тарихы

сонау 1977 жылдан бастау алатын білім ордасы осы жылдар ішінде мыңдаған

шәкірттің жүрегіне нұр құйып ,қанаттарын қатайтып түлетіп ұшырды. Олардың  жеткен жетістіктері ,шыққан биіктері ,атқарған

игі  істеріне сүйсініп  жүрген жайы  бар бүгінде.Қылышынан қан тамған кеңес

заманынан келе жатқан бұл мектеп-киелі шаңырақ ,іргелі орда.Осы шаңырақтан талай

ұл-қыз білім алып , Отанымыздың игілігіне қызмет атқаруға өмірлік жолдамамен

аттанған болатын.

        Тағы  да тарих қойнауына көз жүгіртсек.Орталық

көшеде 1934 жылы

8 жылдық мектеп

пайда болыпты ,алғашқы мұғалімі –Корнейчук.С.Ч.                  1964 жылы мектеп директоры

болып Бочкарев А.И.   тағайындалды.Басқа

жылдары мектепті Нечитайло Н.И,Мусалимова С.Б, Калиев А.К., Мухамадиев Қ.А.,

Құдайбергенов А.Б. басқарды .2012 жылдан бері мектебімізді үнемі ізденісте  жүретін,қажымай-талмай еңбектеніп жүрген Даирова

К.Е. басқарып келеді.

      1998 жылы Монғолиядан  отандастарымыздың көшіп келуіне орай мемлекеттік

тілде оқыту мектебі ашылды. Оның құрамында 95 оқушы 8 мұғалім

болды.Алғашқы  ұстаздар  Хажыбала Б., Даукиев С.Е.,

 Бағзи Г, Жұбаниязов  З.А, Мыңжасаров У.Е. , Мыңжасаров Д.Д,

Тащанова Қ.А.,

Шұғайып К. аз уақыттың ішінде шәкірттерді білім нәрімен сусындатып ,біршама

жетістіктерге жетті.

      2008 жылы  Колоколов орта мектебі Қараөзек орта мектебі

болып өзгертілді және осы жылы қазан айында «Балбөбек» шағын орталығы ашылды.

       Бұл айтулы іс-шара түлектерді тіркеуден

басталды.Әр жылдарды мектепті бітірген ондаған түлектер тойымыздың қадірлі

қонағы болды. Келесі кезекте мектеп мұражайына саяхат жасалды. Мұражайдың

жетекшісі Идрисова  К. Т.  келген 

қонақтарды ұлттық жәдігерлермен таныстырды. Ондағы әр бұйым халқымыздың

тұрмыс- тіршілігінің  бір көрінісі  іспетті.

     Мерейтой 

концерттік бағдарламамен жалғасты. Келген қонақтарға шашу шашылып, той

көрігі қыза түсті.Әуелі құрметті қонақтарға сөз берілді.                Аудандық мәслихаттың хатшысы  Кусаинов Ж.Б.,аудандық әдістемелік кабинетінің

жетекшісі Сагиева  Н.Ж, Қараөзек ауылдық

округының  әкімі Мухамедиев   Қ.А .өз

сөздерінде мектеп ұжымының қажырлы еңбегі , жеткен жетістіктеріне тоқтала

кетіп, жас ұрпақты тәрбиелеу ісінде алдағы уақытта  да мол үміт күтетіндерін айтып өтті.

Келесі кезекте сөз

мектеп директоры  К.Е.Даироваға  берілді.Калимаш Егинбаевна жиылған қауымды

мерекелерімен құттықтап өтті.Сондай-ақ ол ардагер ұстаздарға көп жылғы еңбегі

үшін  алғысын білдіріп, мектеп бітіріп,

еңбек жолын мектебімізде жалғастырып жүрген жас ұстаздарға шығармашылық табыс тіледі.

Мектеп басшысы осы мерейтойға спонсорлық көмек берген «Аяла» қоғамдық қорының

төрағасы Акимбаев Серік Құрмашұлына, Купчановка МСУ-дың директоры  Сулейменов Талғат Мүтәліпұлына , «Журавлевка- 1»

 ЖСШ -ның 

директоры Султанов Қ.С., «Журавлевка- 1»  ЖСШ -ның бас агрокомы Токанов Ерлан Амантаевичке,

алғашқы түлектер Хагай Нағашыбай, Бағзи Манарбек, Советхан Еркебуланға,

кәсіпкер   Хабдыхалам Теңелгенге алғыс айтты.

Өткенсіз бүгін  жоқ дегендей, 40 жылдық тарихында мектеп

өміріне өшпестей іздерін қалдырған ұстаздар жайлы  аитпай  кетуге 

болмас. Санаға ақыл ұялатып, арманды алдан  қиялататын, әр шәкіртін аялап,мейірім  шуағын аямайтын ұстардар қауымына ыстық

шапалақпен құрмет білдірілді.

Орыс  тілі мен әдебиетінің мұғалімі Михайлева В.В.

ардагер ұстаздардың атынан сөз сөйлеп,мектеп ұжымына игі тілектерін білдірді.

Ш.Құсайынов

атындағы театрдың артисі Рыздық Гаухардың басқаруымен өткізілген мектеп

түлектерінің концерті өте тартымды өтіп,жұртшылықтың көңілінен шықты. Мектеп

өміріне арналған сахналық қойылым,Абдил Нұрисламның  суырыпсалма өлеңі т.б. нөмірлер орындалды.

Мектеп басшысы олардың өнерлеріне ризашылығын білдіріп,алғыс хатпен марапаттады.

Той соңы сәнді дастарқанмен жалғасты.